დღესდღეობით “ნენას” პროდუქცია წარმოდგენილია აშშ-სა და ევროკავშირის ბაზრებზე, კომპანიის მთავარ მიზანს ექსპორტის ზრდა და მისი მსოფლიო მასშტაბით გაფართოება წარმოადგენს. ევროკავშირთან 2014 წლის 27 ივნისს გაფორმებული, „ღრმა და ყოვლისმომცველი თავისუფალი ვაჭრობის შესახებ“ შეთანხმების თანახმად, საქართველოში წარმოებულ პროდუქციას, ევროკავშირის ბაზარზე მოხვედრა საბაჟო გადასახადის გარეშე შეუძლია, ხოლო ჩინეთთან თავისუფალი ვაჭრობის შესახებ შეთანხმება, ხელს შეუწყობს უფრო ინტენსიურ სავაჭრო ინტეგრაციას. 2000 წლიდან საქართველო ასევე მსოფლიო სავაჭრო ორგანიზაციის (WTO) წევრია.